شـــعـــور جـــديــــد

كان احلى شعور فى حياتى يوم ما عينى جت عليكى
وحسيت بدقات قلبى وقلت مش هاعيش إلا بيكى
وانا ذنبى اية !! ده ذنب قلبى اللى بيحبك وبيموت فيكى
وأوصف اية فى جمالك ولا شقاوتك ولا نظرة عينيكى
وانا بعشق كل حته فيكى وبموت من لمسه إيديكى

حبى ليكى كان ممكن يزيد عن البحور
وجمالة يفوق فنون بناء القصور
و اكيد اقوى بكتر من الجبال و الصخور

وفى يوم وليلة..كل اللى حلمت بية فى ثانية اتهد
وسابتلى فى قلبى الم وحزن وعذاب ما ينعد
يوم ما شفتك مع غيرى ولقيتك فرحانة من قلبك بجد

وازاى الومك وانتى الخيانة بتجرى فى دمك
وانا اللى كنت فاكر انى هاقدر اغير طبعك
ولكن يا خسارة على اللى كان بيعيش فى قربك
و روحة بتفارقه وحياته تنتهى فى بعدك
وطول الليل لما بيفكر جمال عيونك
و يتمنى كل يوم انه يبقى رمش فى جفونك

ولا وعودك الكتير انك مش هتكونى غير ليه
وانك عمرك ما ايديك هاتفارق ايديه
ومهما طلب او أمر انتى تحت أمر عينيه

الخيانة يمكن تكون اصعب شعور فى الوجود
وان جرحه مهما عدى الزمن بيفضل فى القلب موجود
واللى يفكر فى الحب لازم يحب فى حدود
لان الحب الحقيقى انتهى زمانة وراحت ايأمه من عقود