حـــالـــه مـــن ايـــام زمــــان

اوقات الفرحه بتعمينا
بتفكرنا و تنسينا
ومن حلاوتها بتدفينا
و اثرها بيفضل عايش فينا

بتفكرنا حب قديم فى قلوبنا عاش
و فى حياتنا استمر و منتهاش
و حفر حبيبك فى قلبك اللى عاش و متمحاش
اللى عشت سنين و سنين مستنيه, بس هوه مجاش !!

لكن يا محلى الصدفه اللى بتفكرنا , بكـــل اللى فات
بــحب فضل عايش فى قلبك و عمره ما مات
بــحبيب فاكرله من قلبك احلى الذكريات
بــسنين بعده فاتت, بــرده, قضيت فيها احزن الاوقات
بــبصيص من الامل, ضـعـيـف, انك تشوفه تانى ولو لـ لحظات
بوحده انتا شايفها فى عيونك, اجمل و احلى البنات

بـــــــــحـــــــــبــــــــك ........ يا ايام زمان
ياللى شوفت فيكى معنى الطيبه و الحنان
ياللى اتعلمت منك ازاى اكون فنان
و ازاى اكون محترم, و أعيش إنسان

بـــــــــحـــــــــبــــــــك يا احلى اسم فى الكون
بـــــــــحـــــــــبــــــــك حب عاشق, مجنون
بـــــــــحـــــــــبــــــــك حب عاقل, موزون
بـــــــــحـــــــــبــــــــك ياللى حبك فضل فى قلبى سنين مدفون
بـــــــــحـــــــــبــــــــك, و لو مكنش حبى ليكى.. لمين غيرك هيكون !!
و اعذرينى عن نقص تعبيرى عن حب-من ساعة ماعرفتك-وهو فى قلبى مسجون
و من المستحيل انه يتغير , مهما يـــــكـــــون ........