الـــلـــى جـــى لــــســـه اكــــتــــر

فى مشوار حياتك هتقابل ناس تكرهلك الخير
و يتمنوا لك الاذى من الغير
و يجاهدوا فى قص جناحاتك عشان ماتبعدش زى الطير
و يوهمك ان ده اخرك, وانك هتفشل لو حاولت التغيير
لحد أما تبقى فى ايديهم لعبه, ولظنونك اسير

طب ما تبص على غيرك من اللى وصل لبعيد
و شوف ازاى حقق احلامه و قدر يبقى سعيد
فيها ايه لو فكرت تبقى -ولو لمره واحده- فى الصح عنيد
فيها ايه لو عدت حساباتك و فكرت تبدأ من جديد

وبالمناسبه.. حبيت ارد على اصحاب الانتقادات المريضه
لو كانت صعوبه الشعر فى تعقيد الالفاظ لهانت, فهى بسيطه
وليس من الذكاء ان أجسد المشاعر الجياشه فى كلمات مجدبه عقيمه
او ان اعبر عن أفكارى بالالفاظ البعيده
بعيده عن بساطتنا ومفاهيمنا وحياتنا الجديده
وإن لم اكن محق, فلتستخدم مصطلحاتك الجاهليه فى كل تعاملات حياتك المجيده
ولكن لا تستعجب مما ستلقاه من استنكار و انتقاضات شديده

ســيـــبـــك من اى كلام جاهلى لا هيقدم ولا يأخر
و خليك عايش حياتك وإبعد عن اى كلام هيخليك تتأخر
إبدع و كمل, عشان الناس اللى بتحبك بيك تفخر

وإياك تنسى من له فضل عليك,و بإبداعه أنت فى عيون الناس بتكبر
و من غيره ,, انت يا مــســكــيــن لا عارف تقدم ولا تأخر
و نقضك التافه ده, مش هوه اللى هيخليه قدام نفسه يصغر
لأنه بشهادة الناس مبدع,, واللى جــى لــســه اكــتــر ........